Зніклага дзесяцігадовага хлопчыка шукаюць ужо 12 дзён.
Як даведаўся Belsat.eu ад прадстаўнікоў пошукова-ратавальнага атраду «Анёл», сярод іншых адпрацоўваецца і версія, што Максім не згубіўся, а сышоў з дому. Таму накіроўваюцца групы на праверку вёсак і будынкаў на закінутых хутарах.
Жыхарка адной з вёсак у раёне пошукаў распавяла валанцёрам, што бачыла ўчора хлопчыка, падобнага да Максіма.
У пошуках Максіма Мархалюка задзейнічаныя валанцёры з усёй Беларусі, а таксама сотні працаўнікоў сілавых структураў, леснікоў, мясцовыя жыхары – агулам каля 3 тыс. асобаў.
Алег Волчак пра пошукі зніклых
Следчы камітэт распачаў крымінальную справу па факце знікнення хлопчыка.
НМ, belsat.eu