Макс Корж выступіць у Кіеве, нягледзячы на тое, што наведваў Крым

video

Першы выступ спевака за апошнія паўтары гады забароны на ўезд пройдзе 23 снежня ўва ўкраінскай сталіцы.

Пра гэта спявак напісаў у сваім Instagram. Паводле яго, уехаць ува Украіну яму дазволіла Служба бяспекі Украіны, і што гэта было нечаканасцю.

23 декабря концерт в Киеве. Наконец-то🎉🎉🎉🎉Напомню, что снятие запрета на въезд в Украину для меня было неожиданностью. Особо на правосудие я никогда не рассчитывал, но не мог сидеть сложа руки. И спустя время я все таки был услышан. Не знаю зачем СБУ приняла это решение, у них была вся власть не делать этого, но я совсем не против такой “амнистии”. Не смотря на то, что я из Беларусi в Украине люди меня знают не первый год, я никогда умышленно не представлял никакой угрозы безопасности этой страны, наоборот всегда со всей душой и сейчас желаю скорейшего мира и благополучия. Но поскольку теперь мне снова можно въезжать в Украину, народ точно не поймет если я не сделаю большой концерт в Киеве, тем более мы все знаем что это будет эпичный движ! Поэтому выбора у меня нет! 23 декабря. Дворец спорта. Киев. Малый повзрослел две части плюс все, что вы любите!

Публикация от Макс Корж (@maxkorzhmus)

«Асабліва на правасуддзе я не разлічваў, але не мог сядзець склаўшы рукі. І праз пэўны час я ўсё ж быў пачуты. Не ведаю, навошта СБУ прыняла гэтае рашэнне, у іх была прычына не рабіць гэтага, але я зусім не супраць такой «амністыі«. Нягледзячы на тое, што я з Беларусі, ува Украіне людзі мяне ведаюць не першы год, я ніколі наўмысна не чыніў ніякай пагрозы бяспецы гэтай краіны, наадварот, заўсёды з усёй душой і цяпер жадаю хутчэйшага міру і дабрабыту».

Максу Каржу забаранілі ўезд ува Украіну ў лютым 2016 года на 5 гадоў праз яго несанкцыяваны выступ у Крыму ў 2015-ым. Падчас забароны Корж усё ж такі наведваў Украіну прыватна.

Афіцыйны Кіеў лічыць Крым часова акупаванай тэрыторыяй, якая не кантралюецца ўкраінскімі ўладамі. Кабінет міністраў зацвердзіў асаблівы парадак уезду на паўвостраў. Замежнікі патрапіць туды могуць толькі маючы абгрунтаваныя прычыны, сярод якіх «наяўнасць сваякоў на тэрыторыі паўвострава альбо права ўласнасці, смерць сваякоў, выкананне дыпламатычных функцый ці абарона нацыянальных інтарэсаў Украіны». Турызм ці канцэртная дзейнасць у спісе дазволеных прычын уезду не значацца. Сам дазвол трэба атрымоўваць у Кіеве.

ДР belsat.eu

Глядзі таксама
Каментары