Міністр замежных справаў даў інтэрв’ю выданню «The Washington Post».
Падчас інтэрв’ю журналіст амерыканскага выдання запытаўся, ці будзе пагрозай для Расеі паляпшэнне стасункаў паміж Беларуссю і Еўропай. Паводле словаў міністра, наша краіна не збіраецца адмаўляцца ад сяброўства з Расеяй дзеля сяброўства з Еўропай.
«Давайце будзем шчырымі. Еўропа не можа замяніць нам Расею, па крайняй меры, не сёння. Мы разумеем, што ў складаныя часы мы заўжды будзем з Расеяй. І Расея дапамагла нам, калі ў нас былі праблемы ў розных сферах. Нашы краіны вельмі блізкія, і мы разумеем, што будзем падтрымліваць адзін аднаго ў складаных сітуацыях», – заявіў Уладзімір Макей.
Размова журналіста «The Washington Post» з міністрам адбылася незадоўга да рыжскага саміту «Усходняга партнёрства».
НМ, belsat.eu