Сяргей Міхалок зняўся ў кліпе свайго новага гурта «Brutto». Другі гурт, які паўстаў з «Ляпісаў», прэзентаваў сінгал
«Ляпіс Трубяцкі», які з 1 верасня прыпыняе сваё існаванне, развітаўся са сваймі прыхільнікамі. Музыкі падзякавалі ўсім, хто быў з імі 24 гады і… прэзентавалі свае новыя праекты.
Сяргей Міхалок цяпер будзе спяваць у гурце «Brutto», які ў апісанні дэбютнага аднайменнага кліпу завецца «Брыгадай Рэвалюцыйнага Угару і Творчага Адпору імя Арнэлы Муці».
У сваю чаргу пераемнікам «Ляпіса Трубяцкога» стане гурт «Trubetskoy», у якім вакалістам будзе Павел Булатнікаў. Першая песня «Trubetskoy» – «Ластаўка» – выконвалася яшчэ «Ляпісамі», але ніколі не запісвалася.
ЗК, belsat.eu