Ля маскоўскага метро жанчына з галавой дзіцяці выкрыкнула «Алах акбар»

video

Паліцыя ачапіла станцыю маскоўскага метро «Октябрьское поле», дзе жанчына з акрываўленай галавой дзіцяці пачала крычаць «Алах акбар».

Жанчына была апранутая ў чорную вопратку. Цяпер на месцы здарэння знаходзіцца паліцыя, машыны хуткай дапамогі, а таксама машына Следчага камітэту Расеі.

У размове з журналістам прадстаўнік паліцыі паведаміў, што «ідзе размінаванне». Крыніца ў РБК ў праваахоўных органах распавяла, што сілавікі шукаюць выбухоўку на месцы здарэння.

Раней у панядзелак паведамлялася, што пасля пажару ў маскоўскай кватэры знайшлі дзіця з адрубленай галавой. Гэта адбылося на вуліцы Народнага Апалчэння, каля метро «Октябрьское поле».

У інтэрнэце з’явіліся відэа затрымання чалавека ля метро «Октябрьское поле». На запісу, зробленай з камеры вонкавага назірання бачна, што гэта жанчына. Затрымаць яе ўдалося пасля таго, як адзін паліцыянт паваліў яе на асфальт. Пасля на месца прыбылі яшчэ каля 10 праваахоўнікаў.

https://www.youtube.com/watch?v=YkKYIKzE-BI

НМ, belsat.eu, паводле РБК

Глядзі таксама
Каментары