Ля БДУІР прайшоў пікет супраць выкладчыка-беларусафоба Паўлаўца


Фота з сацсетак

Акцыю арганізавала грамадская арганізацыя «Альтэрнатыва» на чале з Алегам Корбанам. Людзі выйшлі з плакатам «Выкладчык Паўлавец – здраднік».

Як піша сам актывіст у сацсетках, пратэст супраць адэпту рускага свету імгненна перарвалі, адбылася штурханіна з дружыннікамі.

«Сёння беларускія ўлады паказалі свой сапраўдны твар – была блакавана наша мірная акцыя супраць адэптаў рускага свету на Беларусі. 10 сябраў «Альтэрнатывы» прыйшлі з вялікай расцяжкай да будынку БДУІР, але імгненна былі блакаваныя аховай універсітэту, якая парвала расцяжку і пачала браць нас у кола ды выціскаць ад установы».

Юрый Паўлавец, аўтар артыкулаў пра «недадзяржаву» Беларусь, працуе ў БДУІР, дзе выкладае паліталогію і ідэалогію беларускай дзяржавы.

Акрамя Паўлаўца праваахоўнікі затрымалі яшчэ двух аўтараў-беларусафобаў Дзмітрыя Алімкіна і Сяргея Шыпценку., які пісаў на Regnum пад псеўданімам Артура Грыгор’ева.

ДР belsat.eu

Глядзі таксама
Каментары