Лукашэнка сустрэнецца з Дадонам у Кішынэве


Аляксандр Лукашэнка 18-19 красавіка зробіць афіцыйны візіт у Малдову, паведамляе прэс-служба прэзідэнта.

У Кішынэве Лукашэнка правядзе перамовы з прэзідэнтам і прэм’ер-міністрам Малдовы, абмяркуе розныя аспекты міждзяржаўных дачыненняў. З прэзідэнтам Ігарам Дадонам ён сустрэнецца ў фармаце сам-насам і ў пашыраным складзе з удзелам членаў дэлегацый.

Галоўнай тэмай стане развіццё беларуска-малдаўскага супрацоўніцтва, а таксама ўзаемадзеянне ў інтэграцыйных фарматах, у тым ліку на пляцоўках ЕўразЭС і СНД.

На перамовах з прэмʼер-міністрам Малдовы Паўлам Філіпам разгледзяць пытанні пашырэння эканамічных сувязяў у розных галінах, у тым ліку ў сельскай гаспадарцы, харчовай прамысловасці, вытворчай кааперацыі. Асобная ўвага будзе нададзена працы існуючых і стварэнню новых сумесных прадпрыемстваў, развіццю супрацоўніцтва ў энергетыцы, гуманітарнай сферы і праваахоўнай дзейнасці.

У гэтыя ж дні ў Кішынэве пройдзе беларуска-малдаўскі форум дзелавога і міжрэгіянальнага супрацоўніцтва. У ім возьмуць удзел не толькі прадстаўнікі бізнес-колаў, але і кіраўніцтва гарадоў і раёнаў дзвюх краін, пройдзе выстава беларускай прадукцыі.

Паводле афіцыйнай статыстыкі, беларускі экспарт у Малдову ў мінулым годзе вырас на 13,3% да 133,4 млн долараў, імпарт скараціўся на 0,8% да 83,9 млн долараў.

КА, belsat.eu

Стужка навінаў