Кіраўнік Беларусі сустрэўся з найбуйнейшым замежным інвестарам – прэзідэнтам Еўрапейскага банку рэканструкцыі і развіцця Сумам Чакрабарці. Аляксандр Лукашэнка просіць укласці дадатковыя сродкі ў эканоміку Беларусі.
Цяпер ЕБРР распрацоўвае стратэгію супрацы з Беларуссю на бліжэйшыя тры гады. Аляксандр Лукашэнка папрасіў «зняць усе абмежаванні па супрацы, асабліва датычна дзяржаўных прадпрыемстваў».
Аляксандр Лукашэнка падчас сустрэчы заявіў, што хацеў бы, каб еўрапейцы пачалі фінансаваць развіццё транспартнай сістэмы. «Склалася патавая сітуацыя з транзітам з усходу на захад і наадварот пра падзеі ва Украіне. Такім чынам, застаецца адзіны бяспечны і надзейны кірунак – Беларусь», – сказаў кіраўнік краіны. На ягоную думку, цяпер трэба пільна мадэрнізаваць транспартную сістэму, у тым ліку чыгунку.
Дагэтуль ЕБРР прынцыпова ўкладаў грошы ў развіццё прыватнага сектара. Выключэнне – толькі праекты па паляпшэнню водазабеспячэнні і ачысткі сцёкаў у некаторых рэгіёнах Беларусі.
Кіраўнік краіны спадзяецца на грошы ЕБРР для мадэрнізацыі сістэмы ЖКГ. Пра перавод гаспадаркі на камерцыйныя рэйкі і самаакупаемасць вядзецца даўно, але дагэтуль ЖКГ застаецца «чорнаю дзіркаю», што высмоктвае з дзяржаўнага бюджэту і з гаманцоў грамадзянаў грошы.
Прэс-служба Аляксандру Лукашэнкі паведамляе, што Лукашэнка звярнуўся з просьбаю перагледзіць каналы фінансавых паступленняў. Усе грошы да ЕБРР трапляюць у Беларусь выключна праз дачынныя расейскія банкі, такія як «Белгазпрамбанк», «БелВЭБ» ды «БПС-Сбербанк».
«Сёння Расея знаходзіцца пад санкцыямі і калі вы іх распаўсюдзіце на гэтыя банкі, мы можам згубіць фінансаванне», – дадаў Лукашэнка.
Ад пачатку супрацы з Беларуссю ЕБРР інвеставаў у нашую краіну больш за 1,5 млрд еўраў. Больш за палову гэтых сродкаў прыпадае на праекты па развіцці інфраструктуры, каля 40 % – на прамысловасць, гандаль і аграрна-прамысловы комплекс.
Зміцер Ягораў, belsat.eu