Ад 1 студзеня замежныя турысты змогуць знаходзіцца ў асобных раёнах Берасцейскай і Гарадзенскай вобласцяў да 10 дзён. Адпаведны ўказ падпісаў 26 снежня Аляксандр Лукашэнка.
Згодна з дакументам, на гэтых тэрыторыях павялічваецца колькасць пунктаў пропуску для бязвізавага ўезду турыстаў за кошт пунктаў пропуску, размешчаных на чыгуначных вакзалах і ў аэрапортах. Акрамя часу знаходжання, пашыраюцца тэрыторыі для наведвання.
Турыстам «Аўгустоўскага каналу» дазволяць знаходжанне на тэрыторыі Горадні і ўсяго Гарадзенскага раёну, а наведнікам Нацыянальнага парка «Белавежская пушча» – тэрыторыі турысцка-рэкрэацыйнай зоны «Берасце».
Змены распаўсюджваецца на грамадзянаў з 77 краінаў.
Улады спадзяюцца такімі захадамі павялічыць турыстычны паток і экспарт турыстычных паслугаў рэгіёнаў на 30%.
12 лютага ў Беларусі запрацаваў пяцідзённы бязвізавы рэжым для грамадзянаў 80 краінаў. Скарыстацца гэтай магчымасцю могуць толькі тыя, хто прылятае ў аэрапорт Менск. Сёлета па бязвізе ў Беларусь прыляцелі каля 80 тысяч турыстаў.
ДР belsat.eu