Беларускі кіраўнік упэўнены, што ў Беларусі створаныя ўсе ўмовы для таго, каб кожны меў магчымасць годнага заробку. Пра гэта ён заявіў сёння на сустрэчы з жыхарамі Маларыты.
«У Беларусі толькі лянівы можа не зарабіць. Мы што, ваюем, вайна ў нас ідзе ці яшчэ нешта? Трэба проста трохі варушыцца», – сказаў Лукашэнка ды адзначыў, што кожны, перш за ўсё, павінен разлічваць на сябе.
«Вы павінны разумець, што ніхто з ніадкуль грошы не возьме», – сказаў ён.
Разам з тым Лукашэнка падкрэсліў, што дзяржава заўсёды акажа падтрыманне тым, каму яна сапраўды неабходная.
«Дапамагаць мы будзем. Калі вы зробіце крок, мы зробім насустрач крок. А калі вы будзеце, апусціўшы рукі, сядзець і глядзець, што хтосьці вам нешта прынясе… то, ведаеце, дапамагаюць таму, хто сам гэтага хоча», – зазначыў Лукашэнка.
Паводле яго, у плане аказання дапамогі ў прыярытэце ў дзяржавы шматдзетныя сем’і і вайскоўцы.
«Вайскоўцаў трэба падтрымліваць, таму што яны не могуць зарабіць дзесьці на баку», – дадаў кіраўнік дзяржавы.
Эканоміка ў піке
Эканоміка гарыць чырвоным полымем
