Кіраўнік Беларусі паабяцаў прыкласці ўсе намаганні, каб аб’яднаць Захад і Усход.
Аляксандр Лукашэнка сустрэўся з генсекам Еўрапейскай службы па вонкавых сувязях Марыяй Шмід. Падчас размовы з прадстаўніцай ЕЗ кіраўнік Беларусі адзначыў, што зробіць усё магчымае, каб рэалізаваць праект супрацоўніцтва ад Лісабона да Уладзівастока.
«Добрая была б перспектыва. Беларусь цяпер старшынюе ў Еўразійскім эканамічным звязе і гатовая зрабіць максімум, каб хаця б наблізіцца да рэалізацыі гэтага праекта. Думаю, мы можам пачаць гэты сур‘ёзны дыялог па выбудоўванні такіх адносін», – сказаў Лукашэнка.
Кіраўнік Беларусі таксама ўзгадаў «Усходняе партнёрства», якое, «улічваючы апошнія падзеі, не павінна будаваць новыя раздзяляльныя лініі», – адзначыў палітык.
ЮВ, belsat.eu