Аляксандр Лукашэнка, выступаючы сёння на Алімпійскім сходзе НАК Беларусі, заявіў, што неабходна максімальна задзейнічаць патэнцыял Міністэрства аховы здароўя і Нацыянальнай Акадэміі навук у спартыўнай сферы.
Як паведамляе БелТА, Лукашэнка даручыў стварыць комплексныя навуковыя групы, якія будуць абслугоўваюць розныя віды спорту.
«Гэтыя групы павінны раскрыць свой патэнцыял пры падрыхтоўцы да Алімпіяды 2020 года, – паставіў задачу Лукашэнка. – Хай вывучаюць асаблівасці клімату, месцаў правядзення спаборніцтваў, уздзеяння пералёту, індывідуальна падбіраюць рэжым акліматызацыі, спартыўныя базы для трэніровак, уносяць адпаведныя карэктывы ў планы падрыхтоўкі. І рабіць гэта трэба не потым, а ўжо цяпер».
Даследаванні ў Акадэміі навук мусяць быць прывязаны да рэальных праблемаў спартовай галіны, мяркуе ён.
Лукашэнка таксама адзначыў неабходнасць аптымізацыі сістэмы навучання трэнерскіх кадраў і заклікаў адмовіцца ад замежнікаў.
«Мы вымушаны дзясяткамі завозіць трэнераў з-за мяжы і за велізарныя грошы. Я не супраць запазычанні чужога перадавога досведу. Хай працуюць кансультантамі. Але вакол кожнага з іх павінны расці беларускія кадры. Зразумейце, з замежніка попыт амаль ніякай. Адпрацаваў, сабраў рэчы і зʼехаў. Душу ў справу ён не ўкладзе і Радзіму любіць не навучыць», – сказаў ён.
Акрамя таго, Лукашэнка прапаноўвае скараціць выдаткі Нацыянальнага алімпійскага камітэту на чвэрць.
ІІ, belsat.eu
