Беларусь чакаюць чарговыя кадравыя перастаноўкі.
У Беларусі курс на амаладжэнне кадраў ва ўсіх сферах будзе працягнуты. Пра гэта Аляксандр Лукашэнка заявіў, калі прадстаўляў на пасадзе кіраўніка Адміністрацыі прэзідэнта Беларусі Аляксандра Касінца.
Паводле кіраўніка краіны, новыя прызначэнні далі старт працэсу амаладжэння кадраў. «І такі курс будзе працягнуты ва ўсіх сферах нашага жыцця, – заявіў Прэзідэнт. – Гэта павінна стаць вашай паўсядзённым задачай – мець рэзерв кадраў, каб з яго вырасціць маладых кіраўнікоў, здольных знаходзіць хуткае рашэнне ў любой нестандартнай сітуацыі. Інакш мы безнадзейна адстанем ад свету, які імкліва змяняецца вакол нас».
На думку Аляксандра Лукашэнкі, трэба сур’ёзна папрацаваць з банкам дадзеных таленавітай моладзі. «Так, не ўсе з іх, але многія стануць кіраўнікамі. Трэба толькі выпрацаваць сістэму, каб гэтых людзей правесці з нізу да верху да кіраўнічай вертыкалі».
Прэзідэнт перакананы, што «не можа быць добрым міністрам чалавек, які не бачыў станка ў працоўным цэху або зямлі на сельгаспрадпрыемстве. Не можа быць добрым міністр адукацыі, які не ведае, што такое школа, ВНУ. Не можа быць добрым кіраўніком чалавек, які не ведае жыцця».
Паводле БелТА
