Літва забараніла ўезд 46 асобам, звязаных з крымінальным пераследам асуджаных у Расеі ўкраінцаў Надзеі Саўчанка, Алега Сянцова і Аляксандра Кольчанка. Пра гэта заявіў міністр замежных спраў Літвы Лінас Лінкявічус.
«Канкрэтна гаворка ідзе пра расейскіх суддзяў, пракурораў, якія наўпрост удзельнічалі ў справе гэтых людзей», – расказаў прэмʼер-міністр Літвы Лінас Лінкявічус.
Таксама ў спіс трапілі «некаторыя іншыя дзеячы» з ДНР і ЛНР.
Літва – першая краіна ЕЗ, якая склала такі спіс. Лінкявічус спадзяецца, што крок Вільнюсу заахвоціць іншыя краіны кіравацца іх прыкладам. Літва і яшчэ 4 краіны абʼяднанай Еўропы прадставілі гэтую ідэю вярхоўнаму прадстаўніку ЕЗ па замежных справах і палітыцы бяспекі Фэдэрыке Магерыні.
«Саўчанка – актуальнае пытанне, асабліва, калі пагоршыўся яе стан здароўя», – сказаў Лінкявічус, піша delfi.lt.
ДР, belsat.eu