Літва патлумачыла прычыны парушэння беларускай мяжы: пілот загаварыўся


Пілот зладзіў дэманстратыўны палёт для патэнцыйнага кліента, які хацеў набыць самалёт.

«Грамадзянін Даніі патлумачыў, што ён крыху загаварыўся, распавядаючы пра перавагі летака, і выпадкова трапіў у Беларусь», – цытуе намесніка дырэктара адміністрацыі грамадзянскай авіяцыі Літвы Альвідаса Шумскаса агенцтва BNS.

Нагадаем, што 19 красавіка дзяжурныя сродкі радыёлакацыі супрацьпаветранай абароны Беларусі зафіксавалі парушэнне дзяржаўнай мяжы.

Міністэрства замежных справаў Беларусі 22-га красавіка ўручыла ноту пратэсту амбасадару Літвы Андрусу Пулокасу.

ЮВ, belsat.eu, паводле ej.by

Глядзі таксама
Каментары