ілюстацыйнае фота
Belsat.eu стала вядома пра тое, што падаткавікі Мазыру ходзяць па дамах і кватэрах «дармаедаў», што не заплацілі падатак на сацыяльнае ўтрыманства. Чыноўнікі таксама прымушаюць хадзіць па хатах мясцовых настаўнікаў.
Першы ліст прыйшоў у асабістыя паведамленні ў ok.ru. Наш глядач піша:
«Падаткавікі ўжо па кватэрах ходзяць, па сем чалавек. Сёння прыходзілі да мяне. […] страшна, што будзе».
Інфармацыю сцвердзілі іншыя мазырчукі ў гэтай жа сацыяльнай сетцы:
«Да маёй свякрові прыходзілі месяц назад, сын не працуе, […] аглядалі маёмасць, свякроў абурылася наконт вопісу маёмасці, ушлі, але сказалі, што прыйдуць з рашэннем камісіі».
Таксама мы атрымалі паведамленне ў сацыяльнай сетцы «УКантакце». Глядач піша, што на тэрміновым сходзе па загаду намесніка старшыні райвыканкаму Галюка Фелікса Фёдаравіча вызвалі на тэрміновы сход мясцовых настаўнікаў.
«У выніку іх [настаўнікаў – рэд.] прымусілі хадзіць па »дармаедах« і распытваць, чаму яны не заплацілі падатак», – піша жыхар Мазыру.
Агулам па краіне «лісты шчасця» па розных сведчаннях атрымалі каля 470 тысячаў грамадзян. Сярод іх – маці ў «дэкрэтным адпачынку», студэнты, працоўныя мігранты, пенсіянеры і нават нябожчыкі. Аплацілі падатак усяго каля 50 тысячаў чалавек.
У мінулыя выходныя акцыі супраць антыканстытуцыйнага закону прайшлі ў Бабруйску, Баранавічах, Берасці і Віцебску:
Наступныя акцыі супраць дэкрэту № 3 плануюцца 15 і 25 сакавіка.
XX, belsat.eu