Міраслаў Лазоўскі піша да нявесты Святланы з СІЗА КДБ. Ён перадае прывітанні і дзякуе ўсім, хто прапанаваў дапамогу.
Ліст Міраслава датаваны 5 красавіка, у якім ён паведамляе пра тое, што яму нічога не трэба із ежы.
Дарэчы, атрымаў 2 пераводы, на 4 і 40 рублёў. Папярэдзь, калі ласка, што мне няма тут куды іх транжырыць. Папера для прыбіральні і сшытак для пісьма столькі не каштуюць.
Зняволены кажа, што кормяць добра. І ён намагаецца скінуць вагу, «каб не дабіць артрозныя калені».
Міраслаў у лісце дбае пра цётухну Марыю. Ёй маняць, што Лазоўскі з’ехаў у камандыроўку. Але ён разумее, што рана ці позна патрэбна будзе сказаць жанчыне праўду.
Толькі б не памерла старушка, – хвалюецца зняволены.
Таксама адзін з лідараў колішняга Белага легіёну, арганізацыі, якая распалася 12 гадоў таму праз увядзенне крымінальнай адказнасці за дзейнасць ад імя незарэгістраваных арганізацыяў, кажа:
Стары разумны Вальтэр недарма казаў, што трэба патрапіць у турму, каб зразумець Свет.
Але нічога!, – бадзёра працягвае Лазоўскі, – Як-небудзь ды будзе!
Міраслаў Лазоўскі — адзін з лідараў колішняга «Белага легіёна», адзін з першых, каго арыштавалі 21 сакавіка па справе «падрыхтоўкі масавых закалотаў». Лазоўскі каля 19.00 выехаў з офісу ЗБС «Бацькаўшчына» і дадому не вярнуўся.
Рэверсіўная хада падзеяў, якая аднаўляецца штотыдзённа
ВД, паводле nn.by
