Мы выбралі найважнейшыя падзеі з ілюстрацыямі. Глядзіце, якім быў гэты тыдзень.
[vc_single_image image=”2″ img_size=”large”]
Заўр Дадаеў – галоўны падазраваны па справе забойства Барыса Нямцова. Адразу прызнаўся ў злачынстве, потым – заявіў, што агаварыў сябе. Праваабаронцы сцвярджаюць, што падчас допыту Дадаева збівалі ды катавалі токам. Ілля Панамароў, дэпутат Дзяржаўнай Думы Расеі ў эксклюзіўным інтэрв‘ю «Белсату» заявіў, што забойства палітыка – вынік кланавай барацьбы ў Крамлі.
[vc_single_image image=”5″ img_size=”large”]
«Пуцін у кансерве». Тэлеканал «Россия-24» 13 сакавіка распавёў пра сустрэчу Уладзіміра Пуціна з кіраўніком Кыргызстану. Пры гэтым самі перамовы запланаваны на панядзелак, 16 сакавіка. Уладзімір Пуцін з 6 сакавіка не з’яўляецца на публіцы. На слэнге расейскіх тэлежурналістаў «кансерваю» называюць сюжэты пра вышэйшых службовых асобаў, зробленыя заранёў, нават за некалькі тыдняў да «падзеі».
[vc_single_image image=”8″ img_size=”large”]
Дзяржаўны Сакратар Папы Францішка П’етра Паралін прыбыў у Беларусь і сустрэўся з Аляксандрам Лукашэнкам. Гэта другі такі візіт прадстаўніка Ватыкану ў гісторыі сучаснай Беларусі пасля 2008 года, калі краіну наведаў дзяржсакратар Святога Пасаду кардынал Тарчызьё Бэртонэ. Ватыкан гатовы прыняць з візітам Аляксандра Лукашэнку.
[vc_single_image image=”11″ img_size=”large”]
Расейскі вайсковец нясе ракету паветра-зямля побач з рэактыўнымі знішчальнікамі. На гэтым тыдні стала вядома, што Расея перастала выконваць Дамову пра звычайныя ўзброеныя сілы ў Еўропе хоць не выйшла з яе.
[vc_single_image image=”14″ img_size=”large”]
Дзяўчынка з намаляваным на твары расейскім сцяжком падчас тэатралізаванага прадстаўлення «Для цябе, Расея», што прысвечана першай гадавіне анексіі Крыму. У Маскве хваляцца, што пераўтварылі Крым «у непрыступную крэпасць». Тым часам журналістка ўкраінскага выдання «Новы час» Вольга Духніч сцвярджае, што Расея магла змясціць у Крыме ядравую зброю.
МЛ, belsat.eu