Няшчасны выпадак адбыўся каля поўдня 17 чэрвеня на тэрыторыі Баранавіцкага цэху прадпрыемства «Брэстдругачормет», якое займаецца прыёмам і перапрацоўкай чорных і каляровых металаў.
50-гадовы машыніст маставога крана правяраў яго тэхнічны стан. Па ўласнай неасцярожнасці ён страціў раўнавагу і ўпаў ўніз, падае «БелТА».
«Рабочы зваліўся з 12-метровай вышыні», – паведаміў прадстаўнік Следчага камітэту Зміцер Іванюк.
Пры падзенні мужчына атрымаў сур’ёзныя траўмы. Яго шпіталізавалі ў рэанімацыйнае аддзяленне гарадской бальніцы.
Баранавіцкі міжраённы аддзел СК праводзіць праверку, следчыя высвятляюць абставіны здарэння.
ДД