«Крамбамбуля» выдала апошні партызанскі альбом і сыходзіць у лясы

video

Кампазіцыі з новай кружэлкі і лепшыя гіты жыўцом можна будзе паслухаць 7 лістапада ў Вільні, дзе пройдзе апошні канцэрт гурта.

Для беларусаў прадугледжаныя бясплатныя візы.

У сваім маніфесце музыкі адзначаюць, што іх перамога непазбежна:

«Вось і зьдзейсьнілася. Мы ў лясах. У гушчарах, сатканых імглою. Сярод бярозаў ды соснаў. Бо ўжо ніяк не атрымліваецца трываць усіх гэтых прэдсядацеляў, міліцыянтаў, капітанаў Ягоравых і іншых савецкіх нячысьцікаў, якія, нібы тараканы, распаўзьліся па нашай зямлі, жаруць наш хлеб, п’юць нашае малако і хочуць, каб мы былі іхнімі служкамі. Дык вось не атрымаецца! Мы ведаем нашыя пушчы, бары і лясы. Адсюль мы дастанем кожнага акупанта. І кожны атрымае тое, чаго заслугоўвае. І нашая перамога непазьбежная, бо з намі старадаўні покліч «Гэй, ліцьвіны, Бог нам радзіць!», бо ня мы ўварваліся ў іхнія хаты, а яны ў нашыя. Мы не хацелі гвалту. Яны яго хочуць. Каб мы калі каму чаго, дык мы ніколі нічога ніякага. А калі што якое?.. Ды што там якое!»

Развітальны альбом «Чырвоны штраль» можна паслухаць і спампаваць адсюль.

Глядзі таксама
Каментары