Малодшы сын Лукашэнкі развёз першую партыю ўраджаю, сабранага на тэрыторыі афіцыйнай рэзідэнцыі кіраўніка Беларусі «Дразды». Пра гэта БелТА паведаміла прэс-сакратар кіраўніка дзяржавы Наталля Эйсмант.
Экалагічна чыстую прадукцыю – бульбу, агуркі, памідоры, кабачкі, дыні, кавуны атрымалі менскія Дом-інтэрнат для пенсіянераў і інвалідаў і Дзіцячы гарадок Ленінскага раёна.
Дом-інтэрнат для пенсіянераў і інвалідаў невыпадкова быў абраны для дастаўкі першай партыі прадукцыі. У снежні шэфства над домам-інтэрнатам узялі вучні Астрашыцка-Гарадоцкай агульнаадукацыйнай сярэдняй школы, у якой вучыцца Мікалай Лукашэнка.
Прыборка Лукашэнкам і ягоным наймалодшым сынам ураджаю бульбы, кавуноў і дынь выклікала цікавасць інтэрнаўтаў.
Не так даўно яны разам ужо касілі траву ў кампаніі французскага актора Жэрара Дэпард’ё.
ДР, belsat.eu