У выніку выбуху машыны хуткай дапамогі ў цэнтры Кабулу загінулі 103 і атрымалі раненні 235 чалавек, паведамляюць СМІ са спасылкай на МУС Афганістана. Адказнасць за атаку ўзяў на сябе рух «Талібан».
Тэракт адбыўся 27 студзеня недалёка ад прадстаўніцтва ЕЗ і офіса Вышэйшай рады міра.
Баевікі нагрузілі выбухоўкай машыну хуткай дапамогі, што дало яму магчымасць праехаць праз КПП у дыпламатычны квартал, закрыты для звычайнага транспарту. Смяротнік мінуў першы КПП, заявіўшы, што вязе пацыента ў шпіталь, але на другім прапускным пункце яго ўсё ж спынілі супрацоўнікі службаў бяспекі, і тады ён прывёў у дзеянне выбуховае прыстасаванне, паведамляе Бі-бі-сі.
ІІ, belsat.eu