Кітайцы знішчылі хмарачос за 13 секундаў (Відэа)

video

Менавіта столькі часу спатрэбілася, каб пры дапамозе паўтары тонаў выбухоўкі цалкам знішчыць будынак вышынёй амаль у 120 метраў.

Кітайскія будаўнікі разбурылі 26-павярховы хмарачос у горадзе Сіянь у цэнтральным Кітаі за 13 секундаў. Нацягнутая для абароны навакольных дамоў сетка засталася некранутай абломкамі камення.

Аперацыя прайшла даволі добра. Будынак упаў у правільным накірунку. Шум і вібрацыі ад разбурэння не пераўзышлі кантрольных адзнак, – кажа прафесар Сіяньскага ўнівэрсітэта Жао Фу Сінг, эксперт па разбурэнням.

Агароджа была нацягнутая толькі ў сямі метрах ад будынку і не была закранутая ўвогуле, – дадае Фу Сінг.

Будынак у правінцыі Шэньсі – самы высокі, што быў знішчаны падобным чынам. Хмарачос з агульнай плошчай 37 000 кв. м. Быў пабудаваны ў індустрыяльнай зоне Сіяню ды так і не пачаў выкарыстоўвацца. Цяпер на ягоным месцы з’явіцца гандлёвы комплекс.

ДД, «Белсат»

Глядзі таксама
Каментары