Кіраўнік Цэнтрабанку Аўстрыі заклікае ўвесці падатак на біткоін


Эвальд Навотны заклікае абкладаць крыптавалюту падаткам на дададзеную вартасць, бо біткоін не з’яўляецца афіцыйнаю плацежнаю адзінкаю.

Таксама кіраўнік Цэнтрабанку прапануе прымусіць прадстаўляць асабістыя дадзеныя ўсіх удзельнікаў здзелак з крыптавалютамі. Гэта дазволіць спыніць практыку «адмывання грошай» пры дапамозе крыптавалюты, мяркуе Навотны.

«Не павінна быць такога, каб урады прымалі рашэнне адмовіцца ад банкноты ў € 500 у звязку з барацьбою з адмываннем грошай і пры гэтым скрозь пальцы глядзелі на тое, як «спрытна ва ўсім свеце адмываюцца грошы праз біткоіны», заявіў ён у інтэрвʼю газеце «Süddeutsche Zeitung», апублікаваным у сераду, 3 студзеня», піша dw.com.

ЮВ, belsat.eu

Стужка навінаў