Робэрт Райлі заканчвае двухгадовую службу ў нашай краіне – і дзякуе ўсім жыхарам нашае краіны.
У развітальным роліку павераны ў справах ЗША ў Беларусі дзякуе беларускім урадоўцам, апазіцыі, студэнтам і працаўнікам, а таксама кожнаму звычайнаму беларусу. Райлі дадае, што знаходжанне ў Беларусі «было незабыўным» для яго і ягонае сям’і.
«Мы прывозілі ў Беларусь джазавых выканаўцаў, спартоўцаў і выкладчыкаў са Злучаных Штатаў», – заявіў Робэрт Райлі.
Райлі адзначыў, што за час ягонае працы ў Магілёве адкрыўся інфармацыйны пункт Злучаных Штатаў, а адным з галоўных дасягненняў называе тое, што «беларусам не трэба ездзіць па візы ў суседнія краіны».
Візавыя паслугі для грамадзянаў Беларусі амбасада ЗША пашырыла з 1 лютага.
ДД