Прысуд Марыны Маўчанавай пакінулі без зменаў


Журналістка ў судовым парадку спрабавала абскардзіць прысуд за «незаконны выраб і распаўсюд прадукцыі СМІ». За артыкул пра дабрачыннасць, які быў апублікаваны на старонцы „Белсату”, суд Бабруйску прысудзіў дзяўчыне штраф у амаль Br 5 млн. У матэрыяле распавядаецца пра тое, як грамадскія актывісты дапамагаюць анкалагічным цэнтрам.

Касацыйную скаргу разглядаў суддзя Павел Клімаў. Паводле Марыны Маўчанавай, ейныя довады нікога не цікавілі.

Гэта чарговая ілюстрацыя палітычнай замовы, я буду падаваць новае абскарджванне, – адзначыла журналістка.

Падчас папярэдняга пасяджэння сярод матэрыялаў у справе Марыны Маўчанавай, якія перадалі суддзі, былі заўважаны копіі матэр’ялаў у справе журналіста Алеся Залеўскага, які таксама супрацоўнічае з «Белсатам». Раней яго аштрафавалі паводле таго ж артыкулу на 30 базавых велічыняў.

Пра суд бабруйчанка даведалася за дзень да працэсу і не мела часу, каб да яго падрыхтавацца. Падчас складання пратаколу ў адзеле міліцыі падпалкоўнік Рудзько, які паводле журналісткі спецыялізуецца на палітычных справах, пачаў выкручваць дзяўчыне рукі. Паводле беларускіх праваахоўнікаў, журналістка парушыла заканадаўства аб СМІ (праца без акрэдытацыі).

ДР, belsat.eu

Глядзі таксама
Каментары