Аказваецца, шчэбеневыя кар’еры разам з беларускай прыродаю – гэта прыгожа! Глядзіце фота.
Шчэбеневы завод «Глушкавічы» знаходзіцца ля мяжы з Украінаю і функцыянуе 1975 года.
Прадпрыемства займаецца здабычай і ўзбагачэннем (драбненнем і ўпарадкаваннем) будаўнічага камення, забяспечвае патрэбы ў нярудных матэрыялах.
Дарога на кар’еры ляжыць праз Прыпяць і давядзецца праязджаць пантонны мост, далей дарога часткова праходзіць праз украінскую тэрыторыю.
Старыя кар’еры заліты вадою, у пяску відаць глыбы камянёў, зверху навісаюць сосны – падаецца што патрапіў у Карпаты.
Валуны здабываюць у кар’еры і на Белазах адразу вывозяць на драбільны завод, які знаходзіцца тут жа. У сухое надвор’е стаіць шчыльная сцяна пылу.
Глыбіня кар’еру – каля 50 метраў, а вага экскаватара 200 тон.
Фота Ірыны Арахоўскай, belsat.eu
