Карла Кані, які лічыўся супрацоўнікам горназдабыўчай кампаніі на Сардзініі, пасля выхаду на пенсію прызнаўся, што прасядзеў дома столькі гадоў праз клаўстрафобію.
Яшчэ ў 1980 годзе на пачатку кар’еры ён зразумеў, што баіцца закрытых прастораў, піша The Telegraph. Каб пазбегнуць звальнення, Кані пайшоў на розныя хітрыкі: кожны раз ён выдумваў сабе новыя дыягназы. У спісе хваробаў, з якімі шахцёр прыходзіў да дактароў, было ўсё – ад амнезіі да гемарою.
Ён спецыяльна разбіваў косткі аб сцяну, уціраў вугальны пыл у вочы, каб сімуляваць алергію, і нават прыкідваўся вельмі п’яным. Такімі выдумкамі шахцёр пратрымаўся 35 гадоў і выйшаў на заслужаны адпачынак датэрмінова, ў 52 гады.
Сёлета беспрацоўе ў Італіі дасягнула рэкорду 1977 года. Эканоміка краіны пасля сусветнага фінансавага крызісу 2008 года вярнулася ў стан рэцэсіі.
Аляксандр Лукашэнка днямі абвясціў вайну «дармаедам». «Імём рэвалюцыі» ён загадаў прымусіць людзей працаваць. Паводле падлікаў прэзідэнта Беларусі, у краіне 500 тысячаў тых, «хто не заняты ў эканоміцы».
ДР, belsat.eu
