Буйную партыю мяса рагатай жывёліны нелегальна перавозілі трое жыхароў Маларыцкага раёну на трох аўтах. Іх затрымалі беларускія памежнікі.
Мяса, якое не прайшло ветэрынарнага і санітарнага кантролю, перавозілі на сядзеннях аўтамабіля ў чорных пакетах на смецце.
Мужчыны праігнаравалі патрабаванне памежнікаў спыніцца. У выніку супраць іх ужылі зброю.
Затрыманых кантрабандыстаў абвінавачваюць у незаконным перасячэнні дзяржаўнай мяжы, парушэнні памежнага рэжыму і непадпарадкаванні патрабаванню службовай асобы. Ім пагражаюць буйныя штрафы ў памеры да 100 базавых велічынь (2450 рублёў).
ДР belsat.eu