Стваральнік культавага фільма, змантаванага на хатнім кампʼютары, узгадвае пра працу над стужкай дзесяць гадоў таму.
10 гадоў таму студыя «Navinki Home Video» стварыла кораткаметражную стужку «Гудбай, Бацька» – своеасаблівы кавэр на фільм «Гудбай, Ленін» Тады гэты фільм, створаны за два месяцы, змантаваны на хатнім кампутары, меў каласальны поспех у беларускай аўдыторыі. Размаўляем з яго стваральнікам Паўлюком Канавальчыкам.
«Па-першае, тут варта адзначыць адразу, што «Гудбай, Бацька» вельмі трапіў у чаканні, мары нейкія, летуценні ўсіх людзей, якія так ці інакш заангажаваныя ў палітыку. І такім чынам нам удалося менавіта зачапіць пэўныя струны, гэтая стужка акурат трапіла на добрую плённую глебу. Бо калі ўвогуле ўзгадаць палітычны і геапалітычны кантэкст, то напярэдадні там былі яшчэ і ўкраінскія падзеі, якія скончыліся больш-менш пазітыўна для ўкраінцаў у той час. І беларускае грамадства збольшага чакала нейкіх пераменаў. І гэтае чаканне было вельмі такім шчырым і адкрытым», – адзначыў Паўлюк Канавальчык у каментары «Белсату».
Размова цалкам – у відэа вышэй.
НМ, belsat.eu