Адзіны расейскі дэпутат, які галасаваў супраць анексіі Крыму, быў пазбаўлены дэпутацкай недатыкальнасці ды ўцёк у ЗША. Неўзабаве ён трапіць у міжнародным вышук, абяцаюць у Следчым камітэце Расеі.
Следчы камітэт Расеі пастанавіў прыцягнуць дэпутата Іллю Панамарова ў якасці падазраванага па справе аб «растраце сродкаў» інавацыйнага цэнтру «Сколкава», перадае interfax.ru.
У 2010 г. фонд заключыў з Панамаровым кантракт, у адпаведнасці з якім дэпутат павінен быў прачытаць некалькі лекцыяў (кожная з іх нібыта каштавала дзяржаве каля $ 30 000) і выканаць навукова-даследчую працу, якая на думку Следчага камітэту Расеі не мела ніякай навуковай вартасці. Дэпутат Панамароў падазраецца ў фінансавых махінацыях на суму $ 450 000.
[vc_single_image image=”1″ img_size=”large”]
Чытайце таксама >>> «Расейцы за тое, каб знішчаць нейкіх міфічных «украў» са свастыкамі». Інтэрв’ю з Іллёй Панамаровым
Справа аб фінансавых махінацыях у фондзе «Сколкава» расследуецца з 2013 г. Па версіі следства, віцэ-прэзідэнт «Сколкава» Аляксей Бельцюкоў падпісаў з Іллёй Панамаровым кантракт, толькі для таго, каб схаваць растрату бюджэтных сродкаў.
Расейскі комік Павал Воля здзекуецца над вынаходніцтвамі інавацыйнага цэнтру «Сколкава»
У мінулым годзе Ілля Панамароў выехаў з Расеі і цяпер знаходзіцца ў ЗША. Дэпутат, якога ў красавіку 2015 г. пазбавілі дэпутацкай недатыкальнасці заяўляе, што не мае намеру ў бліжэйшы час вяртацца ў Расею.
У сярэдзіне чэрвеня ў расейскіх медыях з’явілася інфармацыя аб тым, што ў дачыненні да Панамарова ўзбуджаная яшчэ адна справа – аб дзяржаўнай здрадзе. Афіцыйна Следчы камітэт гэтую інфармацыю пакуль не пацвердзіў.
Ілля Панамароў быў адзіным расейскім дэпутатам, які галасаваў супраць анексіі Крыму.
ЮВ, belsat.eu
