Ігар Шуневіч святкаваў Дзень Перамогі ў міліцэйскай форме часоў Сталіна і з «гібрыднай» стужкай. Фотафакт

Міністр унутраных справаў Беларусі Ігар Шуневіч з сям’ёй. 9 траўня 2018 г. Менск

Міністр унутраных справаў генерал-лейтэнант міліцыі Ігар Шуневіч прыехаў на Плошчу Перамогі на рарытэтным аўтамабілі «ГАЗ-67Б».

Кіраўнік МУС быў у форме працаўніка міліцыі ўзору 1944 года. Разам з ім была жонка і дачка, паведамляе mvd.gov.by.

Сям’я Шуневічаў ускладе кветкі на Плошчы Перамогі. 9 траўня 2018 г. Менск

• Сталін, трыкалоры, «Слава Расеі». Як у Менску прайшла акцыя «Бессмертный полк». РЭПАРТАЖ

Ігар Шуневіч прычапіў да кіцеля «гібрыдную» стужку.

Гэтую форму Ігар Шуневіч пашыў сабе на замову. Яе скроілі па арыгінальных лякалах. «Нават гузікі адлівалі на тым жа манетным двары, што і ў тыя часы», – распавёў у 2017 годзе выданню sb.by Ігар Шуневіч.

• «Я хацеў паказаць, які Шуневіч смешны». Блогер Павел Спірын напісаў аповесць пра кіраўніка МУС

ЮВ, belsat.eu