Гумар ды экстрым – на зімовым забегу «Bison Race» (фотарэпартаж)

photo

У 4-ым па ліку экстрэмальным забегу «Bison Race», які сёлета адкрыў зімовы сезон пад Жодзінам, прынялі ўдзел як прафесійныя спартоўцы з Беларусі, гэтак і экстрэмалы з-за мяжы. Праўда, зімовы забег праз надвор’е стаўся хутчэй восеньскім.

Экстрэмальная імпрэза з кожным разам становіцца ўсё больш папулярнай і прыцягвае ўсё больш увагі беларускіх і замежных медыяў. Арганізатары «Bison Race» планавалі, што забег пройдзе па-зімоваму – па першым снежаньскім снезе – ды дазволіць праверыць самых вытрывалых аматараў экстрыму на 30-ці разнастайных перашкодах.

Аднак надвор’е ператварыла забег у хутчэй восеньскі. Акрамя таго, частку самых брудных і мокрых перашкод вымушаныя былі адмяніць з меркаванняў вялікай рызыкі для здароўя ўдзельнікаў забегу.

Нягледзячы на ​​гэта, ахвотных выпрабаваць сябе знайшлося нямала. Асабліва было прыемна бачыць маладых і нават сталых беларусаў, якія прыйшлі не па медаль, а каб паўдзельнічаць у карысным для здароўя і вельмі вясёлым свяце.

МЯ, belsat.eu

Глядзі таксама
Каментары