Гомельскім прадпрыемствам і ўстановам разаслалі загад «не размаўляць з «Белсатам»

Ідэолагі Чыгуначнага раёну Гомлю разаслалі «тэлефанаграму» кіраўнікам прадпрыемстваў, арганізацыяў ды ўстановаў.

У дакуменце, які трапіў у рэдакцыю нашага тэлеканалу, паведамляецца, што «Белсат» ды «БАЖ» «не зʼяўляюцца акрэдытаванымі дзяржаўнымі сродкамі масавай інфармацыі».

«Тэлефанаграма» ад гомельскіх ідэолагаў

«У выпадку звароту да Вас і да вашых працаўнікоў з просьбай даць інтэрвʼю просім неадкладна інфармаваць аддзел ідэалагічнай працы, культуры і па справах моладзі», – гаворыцца ў паведамленні.

Таксама ў паведамленні падаюцца нумары і імя з прозвішчамі асобаў, да якіх трэба і звяртацца:

715121, 8044 793 99 05 Дробатава Ірына Эдуардаўна, начальнік аддзелу ідэалагічнай працы, культуры і па справах моладзі Чыгуначнага раёну Гомлю;

776419, 8044 783 66 85 Лазня Наталля Іванаўна, намеснік начальніка аддзелу.

Ірына Дробатава

Наталля Лазня

НМ, belsat.eu, фотаздымкі yelsk.by, electro.gomel.by