За гэткі жарт маладога чалавека абвінавацілі ў хуліганстве і аштрафавалі на 10,5 млн рублёў.
Ініцыятарам разыгранкі з «голым выкраданнем» быў 35-гадовы гарадзенец, які не мае сталага месца жыхарства і нідзе не працуе.
Маладыя людзі каталіся на «Audi A4» па горадзе. Хлопец і дзяўчына з кампаніі дамовіліся пайсці на прыпынак грамадскага транспарту. Аўтамабіль з рэштай сяброў пад’ехаў на прыпынак, з яго выскачыў голы хлопец, схапіў знаёмую і пацягнуў у салон. Дзяўчына пры гэтым крычала і супраціўлялася, нібыта яны не былі знаёмыя. Сябар «выкрадальніка», які стаяў у натоўпе на прыпынку, гучна сказаў, што яе выкрадаюць. У выніку аўтамабіль з’ехаў з месца здарэння.
Удзельнікаў жарту знайшлі даволі хутка. Высветлілася, што голы жартаўнік не папярэдзіў, што збіраецца распранацца. Ягоных сяброў не пакаралі, хлопцу прыйдзецца заплаціць 50 базавых велічыняў.
ДР, belsat.eu
Паводле onliner.by