Мэр латвійскай сталіцы Ніл Ушакоў на сваёй старонцы ў «Facebookʼу» распавёў крымінальную гісторыю з хэпіэндам, у якую трапілі беларускія турысты.
«З іхнага бусіка ўначы скралі апоны з дыскамі, але дзяржаўная паліцыя дапамагла знайсці ў інтэрнэце новыя, даставіць і ўсталяваць, каб вандроўнікі маглі рушыць далей», – напісаў ён.
У сваім допісе мэр ужыў словазлучэнне «туристы из Белоруссии».
Журналіст Глеб Лабадзенка звярнуў увагу мэра Рыгі на памылку ў допісе.
Ушакоў не спрачаўся і выправіў «Белоруссию» на Беларусь.
ЮВ, belsat.eu