Перамога на праймарыз дазволіла ёй набраць неабходную колькасць галасоў для галасавання на партыйным зʼездзе.
Былая першая лэдзі перамагла ў барацьбе за вылучэнне кандыдатам у прэзідэнты ад Дэмакратычнай партыі. Сенатар і дзяржсакратар ЗША пераканала свайго галоўнага суперніка Бэрні Сандэрса ў конкурсе па вылучэнні кандыдатаў у штаце Нью-Джэрсі. Гэткім чынам, Клінтан увайшла ў гісторыю як першая жанчына, якая ад імя адной з самых буйных партый ЗША пазмагаецца за Белы дом.
«Кожнай маленькай дзяўчынцы, якая марыць пра вялікія здзяйсненні, я кажу: Так, вы можаце быць кім заўгодна, нават прэзідэнтам. Сённяшні дзень – для вас», – напісала Клінтан у Twitter.
Каб стаць адзіным кандыдатам, неабходныя 2383 галасы дэлегатаў-выбарцаў. Роўна столькі Гілары Клінтан атрымала падчас праймарыз.
Фінальны адбор адзінага кандыдата адбудзецца на зʼездзе Дэмакратычнай партыі 25 ліпеня ў Філадэльфіі. Тады суперделегаты і павінны адыграць вырашальную ролю. Нягледзячы на тое, што Клінтан заклікае Сандэрса далучыцца да ейнай выбарчай кампаніі, палітык мае намер даказаць, што барацьба не скончана, і ён больш трапны кандыдат у змаганні з мільярдэрам-рэспубліканцам Дональдам Трампам.
ДР, belsat.eu
