[vc_single_image image=”0″ img_size=”large”]
У размове з Belsat.eu галоўны рэдактар інтэрнэт-выдання Саша Раманава заявіла, што будзе змагацца з несправядлівым рашэннем міністэрства.
Міністэрства інфармацыі паведамляе пра абмежаванне доступу да сайта Kyky.org праз распаўсюд інфармацыі, якая «здольная нанесці шкоду нацыянальным інтарэсам Рэспублікі Беларусь».
– Як вы ацэньваеце дзеянні Міністэрства інфармацыі?
– Яны не здаюцца мне правільнымі.
– Гэта наагул здаровая рэакцыя? Я ніколі не заўважаў нічога крамольнага на Kyky.org.
– Нам падалі інфармацыю пратое, да якіх матэрыялаў ёсць прэтэнзіі. Матэрыял Свярдлова аб парадзе, матэрыял Кныровіча аб парадзе і яшчэ два артыкулы: «Чаму не трэба хадзіць у царкву» і «Мы яшчэ будзем рабіць трактары, але гэта ўсё ўжо будзе без эрэкцыі». Нават калі б мы і пагадзіліся з тым, што там ёсць парушэнні, у нас не было б магчымасці іх выправіць. Усё здарылася па факце.
[vc_single_image image=”2″ img_size=”large”]
KYKY.org обновился!Правда, никто не знает, сколько нам осталось…
Posted by KYKY.ORG on Thursday, June 18, 2015
– Гэта праўда, што на вас «настукаў» Дыянаў?
– Мы не трымалі свечкі, стукаў Дыянаў ці не. Ён посціў нейкія каментары на нашым сайце і не больш за тое.
– Міністэрства патрабуе ад вас выдалення «непажаданых» артыкулаў?
– Ну, калі доступ да сайту перакрыты, то як бы і выдаляць няма чаго?
– То бок прапануюць папрасіць прабачэння ў народу?
– Я не ведаю, як можа выглядаць «папрасіць прабачэння» у народу. У артыкулах няма ніякіх новых фактаў, і па сутнасці, ніякай крамолы.
– У міністэрства іншае меркаванне з гэты конт. Паводле чыноўнікаў, «у матэрыялах на сайце Kyky.org прысутнічае табуяваная лексіка, грэблівыя, а часам і абразлівыя выказванні на адрас прадстаўнікоў пэўных сацыяльных групаў»
– Так, сайт не мяккі.
[vc_single_image image=”5″ img_size=”large”]
– Будзеце адстойваць пазіцыю аўтараў згаданых артыкулаў?
– Канешне. Гэта ж мае аўтары.
Размаўляў Юрась Высоцкі, belsat.eu