Фота дня: Мама Надзеі Саўчанкі прыехала на суд дачкі ў незвычайнай вышыванцы

photo

Maria Savchenko, mother of Ukrainian army pilot Nadezhda Savchenko, arrives for a court hearing in the southern border town of Donetsk in Rostov region, Russia, September 29, 2015. Nadezhda Savchenko faces up to 25 years in jail if found guilty of complicity in the killing of two Russian journalists in east Ukraine last year and of crossing into Russia illegally. She denies any wrongdoing, saying she was spirited into Russia by rebels after being captured in a day-long battle in June, 2014. REUTERS/Sergey Pivovarov

Марыя Саўчанка, маці ўкраінскай вайсковай лётчыцы Надзеі Саўчанкі, прыбыла на судовае паседжанне ў горад Данецк Растоўскай вобласці ў Расеі, каб падтрымаць сваю дачку на працэсе.

На суд спадарыня апранула незвычайную вышыванку – на сарочцы жанчына мела вышыты каляровымі ніткамі партрэт сваёй дачкі.

Лётчыцы Надзеі Саўчанцы пагражае да 25 гадоў турмы, калі яе прызнаюць вінаватай у саўдзеле пры забойстве двух расейскіх журналістаў ва ўсходняй Украіне ў мінулым годзе і нелегальным перасячэнні мяжы Расеі. Украінка адмаўляе якія-небудзь парушэнні, сказаўшы, што яе ў чэрвені 2014 года выкралі сепаратысты і сілком перавезлі ў Расею.

Паводле паказанняў Надзеі Саўчанка, яна трапіла ў палон пасля бою на значнай адлегласці ад месца, дзе загінулі журналісты. Яна зазначыла, што была штурманкай верталёта і наагул не ўмее карэктаваць агонь артылерыі, падае Бі-Бі-Сі.

Паводле абароны, раздрукоўкі тэлефонных перамоваў Надзеі Саўчанкі сведчаць пра тое, што яе захапілі ў палон і павезлі ў Луганск значна раней, чым загінулі журналісты.

Па версіі расейскага Следчага камітэту і пракуратуры, Надзея Саўчанка карэктавала агонь артылерыі, пад якім незадоўга да паўдня 17 чэрвеня 2014 года ў пасёлку Металіст пад Луганскам загінулі супрацоўнікі расейскай праграмы «Вести» Ігар Карнялюк і Антон Валошын.

МЯ, belsat.eu, паводле bbc.com

Глядзі таксама
Каментары