Аўтары праекту Experty.by, у межах якога за 10 гадоў былі адрэцэнзаваныя больш за 500 беларускіх дыскаў, на развітанне склалі рэйтынг найлепшых беларускіх альбомаў 2008-2017.
У галасаванні бралі ўдзел штатныя эксперты за ўсе дзесяць гадоў існавання праекту.
Сайт Experty.by адчыніўся 13 чэрвеня 2008 года. Роўна праз 10 гадоў было вырашана паставіць праект на паўзу.
«Сыходзім у бестэрміновы адпачынак», – патлумачыў кіраўнік праекту Зміцер Безкаравайны.
Кіраўнікі праекту адзначаюць, што на сайце застаецца вялікая база рэцэнзій і музыкі. Эпізадычна будуць абнаўляцца сацсеткі праекту, але, хутчэй у рэжыме «узгадваючы найлепшыя альбомы».