Экс-намесніку міністра па надзвычайных сітуацыях пагражае 8 гадоў калоніі


Дзмітрый Бягун. Фота - minsknews.by

Дзяржаўны абвінаваўца патрабуе пакараць былога міністра па надзвычайных сітуацыях Беларусі Дзмітрыя Бегуна 8 гадамі пазбаўлення волі з адбываннем пакарання ў калоніі ўзмоцненага рэжыму. Для другога фігуранта справы, былога дырэктара кампаніі «Грыфрестаўрацыя» Аляксандра Грыца, пракурор просіць 5 гадоў абмежавання волі без накіравання ў калонію.

Паводле абвінавачвання, Бягун браў хабару неаднаразова з траўня 2013 года па сакавік 2017-га. У прыватнасці, будучы на ​​пасадзе начальніка Менскага гарадскога ўпраўлення (МГУ) МНС, на працягу 2013-2014 гадоў прыкладна за пяць прыёмаў ён атрымаў ад Грыца ў якасці хабару грашовыя сродкі ў суме не менш 90 млн. беларускіх рублёў (да дэнамінацыі). Гаворка ішла аб беспраблемным прыняцці выкананых работ і своечасовай аплаце па дамове будаўнічага падраду паміж МГУ і «Грыфрэстаўрацыя», згодна з якім выконваліся будаўніча-рамонтныя працы. Акрамя таго, ён браў хабар і на пасадзе намесніка міністра па надзвычайных сітуацыях.

За названыя дзеянні ў чэрвені-жніўні 2016 года Бягун атрымаў грошы ў два прыёму – усяго не менш Br4 тыс. Дзмітрый Бягун абвінавачваецца ў здзяйсненні злачынства, прадугледжанага ч.3 арт.430 КК Беларусі (атрыманне хабару ў асабліва буйным памеры). Другому фігуранту інкрымінуецца ч.5 арт.16, ч.2 арт.431 (падбухторванне да дачы хабару) КК.

ІІ, belsat.eu, паводле БелТА. Фота – minsknews.by

Глядзі таксама
Каментары