Пракуратура Светлагорскага раёну правяла праверку па факце няшчаснага выпадку, які адбыўся са школьнікам у лістападзе, піша выданне ranak.by.
«Выхавальніца пакінула дзяцей без нагляду падчас прагулкі. У выніку маленькі хлопчык паваліўся і зламаў руку», – кажа намеснік пракурора Светлагорскага раёну Сяргей Таболіч.
Светлагорскае раённае аддзяленне Следчага камітэту распачало крымінальную справу па ч.1 арт.165 Крымінальнага кодэкса ў дачыненні да выхавальніцы, якая неналежным чынам выканала абавязкі па бяспецы жыцця і здароўя дзяцей. Жанчыне пагражае штраф, або папраўчыя работы на тэрмін да двух гадоў, або абмежаванне волі на тэрмін да трох гадоў.