Міліцыю каля будынку МУС заклікалі спыніць фальсіфікацыі на выбарах (Фота)

video

Пікет правацэнтрысцкай кааліцыі каля будынку МУС у Менску

Актывісты правацэнтрысцкай кааліцыі перадалі ў Міністэрства ўнутраных справаў зварот з патрабаваннем, каб міліцыя, якая існуе на грошы грамадзянаў, перастала аказваць ціск на актывістаў ды змагалася з фальсіфікацыямі.

Пікет правацэнтрысцкай кааліцыі ў Менску
Пікет правацэнтрысцкай кааліцыі ў Менску

У пікеце прынялі ўдзел старшыня Абʼяднанай грамадзянскай партыі Анатоль Лябедзька і адзін з лідараў Беларускай хрысціянскай дэмакратыі Віталь Рымашэўскі.

Пікет з партрэтамі Улляны Захаранкі – маці зніклага Юрыя Захаранкі

Актывісты трымалі партрэты маці Юрыя Захаранкі, якога дагэтуль не прызнаюць памерлым. Хоць экс-міністр унутраных справаў Юрый Захаранка знік 17 гадоў таму, яго не прызнаюць загінулым. Праз гэта ягоная сямʼя не можа распараджацца ягонай маёмасцю, а 92-гадовая маці Улляна не атрымлівае дапамогі, прадугледжанай пры страце карміцеля.

Пікет правацэнтрысцкай кааліцыі ў Менску

Спікеры кааліцыі падпісалі зварот да МУС з заклікам, каб міліцыянты пачалі ўрэшце абараняць закон і змагацца з фальсіфікацыямі.

Пікет правацэнтрысцкай кааліцыі ў Менску

Зварот аднеслі ў МУС.

Пікет з партрэтамі Улляны Захаранкі – маці зніклага Юрыя Захаранкі
Пікет правацэнтрысцкай кааліцыі ў Менску

За пікетам увесь час назіралі людзі ў цывільным.

Учора на пікеце, арганізаваным намеснікам старшыні руху «За свабоду» Алесем Лагвінцом, канцэрт даў вядомы беларускі музыка Лявон Вольскі.

МЯ, belsat.eu

Глядзі таксама
Каментары