Аўтамабіль на беларускіх нумарах выехаў на паласу сустрэчнага руху, дзе сутыкнуўся з двума іншымі машынамі, дзе таксама ехалі беларусы. Пацярпела дзевяць асобаў, сярод іх двое дзяцей.
Сутыкненне трох аўтамабіляў на 61-м кіламетры аўтатрасы Кіеў-Адэса адбылося ранкам аўторка, як паведаміла Галоўнае ўпраўленне нацыянальнай паліцыі Кіеўскай вобласці.
Па папярэдніх звестках, кіроўца аўтамабілю «Nissan» з беларускай рэгістрацыяй, выехаў на паласу сустрэчнага руху і сутыкнуўся з двума іншымі аўтамабілямі «Saab» і «Mitsubishi», дзе таксама знаходзіліся грамадзяне Беларусі.
Пасажыры атрымалі траўмы розных ступеняў цяжкасці, іх даставілі ў шпіталь на машыне хуткай дапамогі.
ВЧ, belsat.eu