Першыя прапановы па стварэнні такой асаблівай комплекснай сістэмы навучэння падрыхтаваў Расейскі ўніверсітэт дружбы народаў па даручэнні ўрада.
«Адрозненнем сістэмы ад класічных праграм дадатковай адукацыі зʼяўляецца тое, што яны дэ-юрэ добраахвотныя, а дэ-факта павінны стаць добраахвотна-абавязковымі», – адзначаецца ў дакладзе РУДН, піша выданне «Коммерсант». Паводле стваральнікаў дакументу, гэта паслужыць «перадухіленню фармавання ў Расеі закрытых этнічных анклаваў».
У прыватнасці, прапануецца распрацаваць падручнікі і дапаможнікі «са старанна адабраным культуразнаўчым матэрыялам», якія павінны сфармаваць у дзяцей «расейскую карціну свету».
Адначасова ў навучальны план расейскіх школ плануецца ўключыць факультатыўны курс па выхаванні талерантнасці, «у якім асноўным матывам гучала б думка пра тое, што мігранты з’яўляюцца носьбітамі ўнікальных культур, веданне якіх узбагачала расейскую думку ў мінулым і пойдзе на карысць ёй у будучыні».
Прадстаўленыя ў РУДН прапановы з’яўляюцца рабочым дакументам і яшчэ будуць абмяркоўвацца і дапрацоўвацца на спецыяльных мерапрыемствах.
ДР, belsat.eu
