Дзень Волі і пратэст недармаедаў у Горадні. Онлайн

video

25 сакавіка а 12:00 у Горадні распачалася акцыя супраць сумнавядомага дэкрэту аб «дармаедах» і святкаванне Дня Волі – неафіцыйнае свята з нагоды ўтварэньня першай нацыянальнай дзяржавы – Беларускай Народнай Рэспублікі (25 сакавіка 1918 г. прынятая Трэцяя Устаўная грамата).

13:34 Андрэй Дзмітрыеў абвясціў пра канец акцыі. Людзі грамадой прачыталі гімн БНР. Затрыманняў падчас мітынгу не было.

13:24 На мітынгу адзінагалосна прынялі рэзалюцыю.

13:11 Ідзе невялікі дождж.

13:04 Прамаўляе прафесар Алесь Астроўскі.

«За апошнія гады выкінулі з ВНУ больш 15 выкладчыкаў. Я адзін з іх. Я трэці год належу да лайдакоў. Нікога гэта беспрацоўе не хвалюе. Беларусь – наша зямля. Мы яе гаспадары!»

Прафесар Алесь Астроўскі

12:58 Прамаўляюць людзі.

«Не ўлада дзяржава, а мы. Мы павінны быць разам. Сёння забралі кагосці, заўтра могуць забраць мяне і вас. Людзей Падзялілі. Толькі мы можам аб’яднацца. Чаму нас загналі на нейкія задворкі, хоць гэта свята?», – кажа малады мужчына.

12:45 Прамаўляе адзін з прысутных. Абураецца дармаедскім дэкрэтам і тым, што няма чаго есці.

«Трэба саступіць месца. Можа Лукашэнка навёў парадак, але яго час сышоў».

12:38 Прамаўляе Дзмітрыеў.

Андрэй Дзмітрыеў

12:31 Людзі кідаюць грошы ў скрыню на пакрыццё расходаў Дня Волі.

12:30 Гісторык Ігар Ламека расказвае пра гісторыю БНР.

2:25 Рух перакрыты на пад’ездзе да парку. Міліцыя здымае акцыю на дрон.

12:20 Ужо каля 150 асобаў. Людзі падцягваюцца.

12:18 Пачынаецца афіцыйны мітынг. Прысутныя адзначаюць, што людзей усё ж мала для такога свята. Прамаўляе Дзмітрый Бандарчук, заяўнік правядзення акцыі ў Горадні ад «Гавары праўду».

12:15 Раздаюць пашпарты БНР.

12:11 Кіраўнік «Гавары праўду» Андрэй Дзмітрыеў дае інтэрв’ю дзяржаўным СМІ.

Андрэй Дзмітрыеў

12:04 У Каложскім парку ўжо каля 100 асобаў. Прыйшоў кіраўнік «Гавары праўду» Андрэй Дзмітрыеў.

12:00 «Гавары праўду» выставілі дзяржаўны сцяг. Паводле прадстаўнікоў кампаніі, павінна быць уся сімволіка.

 

11:50 Карэспандэнт«Белсату» паведамляе, што на акцыю прыйшлі журналісты «БТ», «Белта», «СТВ», ідэолагі з адміністрацыі. Аўтазакаў няма, людзей у цывільным мала. Разам з журналістамі пакуль 30 асобаў.

Сцяг каля стэлы ў Віцебску

11:35

Мінулая акцыя супраць дармаедскага дэкрэту прайшла ў Горадні 15 сакавіка.

belsat.eu

Глядзі таксама
Каментары