Дзень Волі і пратэст недармаедаў у Гомлі. Онлайн

video

 

25 сакавіка а 12:00 у Гомлі распачнецца акцыя супраць сумнавядомага дэкрэту аб «дармаедах» і святкаванне Дня Волі – неафіцыйнае свята з нагоды ўтварэньня першай нацыянальнай дзяржавы – Беларускай Народнай Рэспублікі (25 сакавіка 1918 г. прынятая Трэцяя Устаўная грамата).


14:00 Журналіст Яўген Меркіс паведаміў, што пасля акцыі затрымалі адну асобу.

UPD Затрыманыя актывісты Наталля Шчукіна і Аляксандр Процка, таксама журналісты tut.by, якія вялі рэпартаж з акцыі: фотакарэспандэнт Іван Ярывановіч і журналістка Алена Бычкова.

UPD Алу Раманчык з АУС Гомельскага раёна павезлі ў  ІВС. Да панядзелка, тады будзе суд.

13:50

Натоўп разыходзіцца. Людзі прапануюць журналістцы «Белсату» сваю ахову, а таксама змяніць адзенне, каб не быць затрыманай.

12:50

Удзельнікі шэсця раздзяліліся. Частка калоны ўжо дайшла да Дому культуры Беларускага таварыства глухіх УП «Віпра», частка ўсцяж знаходзіцца на Плошчы паўстання каля помніка танку Т-34.

12:36

«Ці можна пражыць за Br 70?», – паказвае разліковы лісток са сваім заробкам адна з жанчынаў.

12:33 

«Яны прыйшлі да мяне, сына шукалі – ён футбольны фанат, – кажа адзін з суразмоўцаў журналісткі Ларысы Шчыраковай. – Але ён ужо два гады жыве ў Амерыцыі».

«У Лукашэнкі няма нічога святога: ён можа выбух зладзіць – што заўгодна – кажа мужчына. – Навошта дзецьмі прыкрывацца?».

Мінулая акцыя супраць дармаедскага дэкрэту прайшла ў Гомлі 19 лютага.

belsat.eu

Глядзі таксама
Каментары