Дзе Захаранка, Завадскі, Ганчар і Красоўскі? Прэм’ера фільму «Банда» на «Белсаце»

У 1999 годзе ў Беларусі гвалтоўна выкралі былога міністра ўнутраных справаў Беларусі Юрыя Захаранку, былога старшыню Цэнтрвыбаркаму, апазіцыйнага палітыка Віктара Ганчара, бізнесоўца Анатоля Красоўскага, які падтрымліваў апазіцыю. Гэтых вядомых асобаў дагэтуль не знайшлі. У 2000 годзе знік аператар ОРТ Зміцер Завадскі, лёс якога таксама невядомы.

Аўтары фільма выкарыстоўваюць шматлікія дакументы, архіўныя фота і відэаматэрыялы, сустракаюцца са сведкамі падзей. Фільм спрабуе адказаць на пытанне: чаму праўды пра знікненне журналіста і лёс выкрадзеных лідараў апазіцыі дагэтуль не высветлілі?

Прэм’ера стужкі ў нядзелю 27 верасня а 20:25. Глядзіце праз спадарожніку або на belsat.eu