Адна з крамаў «ДарАрс»
У сераду 25 кастрычніка сілавікі затрымалі двух кіраўнікоў ТАА «ДарАрс», буйнога ведамаснага рытэйлера і вытворцы кветак.
Гэтыя звесткі пацвердзілі дзве крыніцы і афіцыйны прадстаўнік Следчага камітэту Юлія Ганчарова.
«Дырэктар і галоўны інжынер затрыманыя па падазрэнні ў здзяйсненні карупцыйнага злачынства паводле матэрыялаў ГУБАЗіК МУС. Упраўленнем Следчага камітэту па Менску распачатая і расследуецца крымінальная справа паводле арт. 210 Крымінальнага кодэксу (крадзеж шляхам злоўжывання службовымі паўнамоцтвамі). Сталічныя следчыя разбіраюцца ў сітуацыі», – паведаміла Ганчарова.
Паводле Tut.by, затрымалі генеральнага дырэктара ТАА «ДарАрс» Аляксандра Казлова і галоўнага інжынера Аляксея Крупкевіча.
ТАА «ДарАрс» кантралюе амаль што ўвесь гандаль і грамадскае харчаванне ў раёне Менскага чыгуначнага вакзалу, а таксама з’яўляецца буйным аператарам на рынку кветак.
Глядзіце таксама: