Два палякі ўчынілі бойку на аўтастрадзе і загінулі пад коламі беларускай фуры

photo

29-гадовы жыхар Кракава і 40-гадовы жыхар Замброва загінулі на трасе S8 непадалёк ад вёскі Старэ Кшэво (пол. Stare Krzewo), што на Беласточчыне.

У 40-гадовага жыхара Замброва засталася жонка і трое дзяцей (малодшы сын цяпер знаходзіцца ў шпіталі). На ягонае лячэнне сям’я ахвяры ДТЗ мусіць назбіраць каля $ 20 000.

Паводле выдання dziennikpolski24.pl, кіроўца фуры (грамадзянін Беларусі) урэзаўся ў бус і легкавы аўтамабіль, якія стаялі на ўзбочыне экспрэс-дарогі.

Фота: Jarosław Sołomacha

Кіроўцы выйшлі з транспартных сродкаў незадоўга да ДТЗ і ўчынілі бойку, піша польскае выданне, спасылаючыся на свае крыніцы і сведкаў здарэння.

Фота: Jarosław Sołomacha

Абодва кіроўцы загінулі на месцы.

Фота: Jarosław Sołomacha

Паводле польскіх праваахоўнікаў, у кіроўцы фуры не было шанцаў пазбегнуць сутыкнення. Пракуратура высунула беларусу абвінавачанне ў здзяйсненні ДТЗ са смяротным вынікам. Апроч таго, прэс-сакратар Акружной Пракуратуры гораду Ломжа адзначыў, што ахвяры «значна спрычыніліся да ДТЗ».

Таксама польская пракуратура вырашыла выпусціць грамадзяніна Беларусі пад залог і адмовілася ад часовага арышту.

ЮВ, belsat.eu

Глядзі таксама
Каментары